نرمل ۔ رکن اسمبلی بودھن مسٹر شکیل عامر کے والد محمد اعظم صاحب کے انتقال پر نرمل کے سیاسی حلقوں اور مذہبی جماعتوں کے قائدین نے اپنے گہرے دکھ کا اظہار کیا ۔ اپنے بیان میں کہا کہ شکیل عامر کے غم میں ہم بھی برابر کے شریک ہیں ۔ بیان دینے و الوں میں ٹی آر ایس قائدین یونس اکبانی، مولانا عبدالعلیم قاسمی ، عبدالرحمن مالک مدینہ ہوٹل ، محمد مختار احمد صدر انتظامی کمیٹی جامع مسجد محمد اظہرالدین معتمد جامع مسجد سید رحیم رئیل اسٹیٹ ، محمد آصف الدین کنٹراکٹ محمد مسعود علی کے علاوہ راقم الحروف سید جلیل ازہر نے محمد اعظم صاحب کی موت پر گہرے دکھ کا اظہار کیا اور پسماندگان کو صبر جمیل عطا کرنے مرحوم کو جنت الفردوس میں جگہ دینے کی دعاء کی ۔ واضح رہے کہ محمد اعظم کے فرزند محمد شکیل عامر جب پہلی مرتبہ رکن اسمبلی منتخب ہوئے تو میں نے دیکھا ان کی خوشی و بڑی مسرت سے کہہ رہے تھے کہ یہ اللہ کا مجھ پر کرم ہے کہ آج میرا لخت جگر شہرت کی اس بلندیوں تک پہونچ گیا ان کا کہنا تھا کہ زندگی میں کچھ پانا ہے تو طریقہ بدلنا چاہئے اور وہ نہیں کیونکہ دوسروں کے دکھ درد میں شامل ہونے والوں کے ساتھ ہی خدا کی نصرت شامل ہوتی ہے اور میرا لخت جگر بچپن سے ہی دوسروں کیلئے فکرمند رہتا تھا اللہ نے آج اس کو رکن اسمبلی تک رسائی کا موقع دیا ۔ یقیناً ایک والد کو اپنے بیٹے کی ترقی پر فخر ہوتا ہے ۔ آج محمد اعظم صاحب اس دنیا میں نہیں رہے رمضان المبارک کے مقدس ماہ کے آغاز میں ان کی موت نے پسماندگان کو غمگین کردیا اللہ تمام پسماندگان کو صبر جمیل عطا کرے ۔ بالخصوص محمد شکیل عامر کو صبر دے جو ہمیشہ عوام کی فکر میں رہتے ہیں ۔
