واشنگٹن: سوشل میڈیا صارفین نے اپنے پیش رو اور حریف ڈونالڈ ٹرمپ کے ساتھ بحث کے بعد امریکی صدر جو بائیڈن اور ان کی اہلیہ کے ایک ریسٹورنٹ میں جانے کا مذاق اڑایا ہے۔پلیٹ فارم ’’ایکس‘‘ پر وائرل ہونے والے ایک ویڈیو کلپ میں دیکھا جا سکتا ہے کہ صدر اپنی اہلیہ جِل کے ساتھ ایک ریسٹورنٹ میں داخل ہورہے۔ جہاں انہوں نے اندر موجود لوگوں کے ساتھ مذاق کیا اور ایک عجیب وغریب حرکت کر دی۔ بعض افراد نے کہا کہ وہ ورزش کر رہے ہیں۔ دیگر نے کہا کہ بائیڈن نے حاضرین کو اس طرح سے سلام کرنے کی کوشش کی جو ان کی جسمانی تندرستی کو ثابت کرے۔ بات چیت کے دوران ان کی جسمانی تندرستی کو صدارتی اہلیت میں اہم رکاوٹ سمجھا جاتا ہے۔جارجیا کے اٹلانٹا میں ریسٹورنٹ وافل میں اپنی اہلیہ جِل بائیڈن کے پیچھے داخل ہونے کے فوراً بعد بائیڈن نے قہقہوں اور مسکراہٹوں کا تبادلہ کیا۔ اس کے باوجود فالوورز نے ان کے اس رویے پر سخت تنقید کی اور صدر سے فوری طور پر مستعفی ہونے کا مطالبہ کر دیا۔بائیڈن نے پلیٹ فارم “ایکس” کے اپنے اکاؤنٹ پر ایک ویڈیو کلپ پوسٹ کیا اور اس پر تبصرہ کیا کہ وہ ریسٹورنٹ میں اپنے اگلے دورے کے منتظر ہیں۔
