چینائی : سابق ڈائرکٹر جنرل آف پولیس راجیش داس کو ساتھی خاتون آفیسر کو جنسی طور پر ہراساں کرنے کے الزام میں 3 سال قید کی سزا سنا دی گئی۔ میڈیا کے مطابق ریاست تامل ناڈو کی عدالت نے معطل پولیس آفیسر کو خاتون آفیسر کو جنسی طور پر ہراساں کرنے کا قصور وار ٹھہرایا۔ رپورٹس کے مطابق خاتون پولیس آفیسر نے فروری 2021 میں سینئر آفیسر کے خلاف شکایت درج کرائی تھی جس میں الزام لگایا گیا تھا کہ اس وقت کے وزیر اعلیٰ کی حفاظت کیلئے ڈیوٹی پر سفر کے دوران جنسی طور پر اسے ہراساں کیا گیا۔ میڈیا کے مطابق اس شکایت کے بعد راجیش داس کو معطل کر کے تحقیقات کیلئے 6 رکنی کمیٹی بنائی گئی تھی۔
