سداسیوپیٹ ۔22 نومبر ۔ ( سیاست ڈسٹرکٹ نیوز ) حلقہ سنگاریڈی کے بی آر ایس امیدوار چنتا پربھاکر نے سداسیوپیٹ کے مختلف محلہ جات راگھویندر نگر ، فیاض نگر ، سیداپور کالونی ، رویندر نگر میں روڈ شو منعقد کرتے ہوئے مختلف چوراہوں پر انتخابی جلسوں سے خطاب کیا اور لوگوں سے ملاقات کرتے ہوئے اپنے حق میں ووٹ دینے کی اپیل کی۔ انہوں نے عوام سے اپیل کی کہ 30 تاریخ کے دن کار کے نشان کو ووٹ دے کر انہیں کامیاب کریں۔ اور وزیر اعلی کے چندرشیکھر راؤ کے ہاتھ مضبوط کریں ۔ اس موقع پر ان کے ہمراہ اکبر حسین ،اراکین بلدیا مبین محی الدین ، سید کلیم پٹیل ، محمد نصیر الدین ، سمیع الدین ، صدر بی آر ایس اقلیتی سیل کامیل انصار کے علاوہ بی آر ایس قائدین جبار ، سید کلیم پٹیل ، محمد جلیل کے علاوہ کئی بی آر ایس کارکنان موجود تھے۔
