بلغراد ۔ کورونا وائرس کے پھیلاؤ کے انسداد کیلئے یورپ بھر میں لاک ڈاؤن کے بعد سربیا وہ پہلا ملک ہے جہاں آج قومی سطح کے انتخابات ہو رہے ہیں۔ ان انتخابات میں حکمران قدامت پسند جماعت کی فتح کے امکانات واضح ہیں۔ ووٹروں سے کہا گیا ہے کہ وہ پولنگ اسٹیشن پر ماسک لگا کر پہنچیں جب کہ وہاں داخلے پر ان کے ہاتھ بھی سینیٹائز کیے جا رہے ہیں۔ ان انتخابات میں سربیا کے 6.6 ملین اہل ووٹر اپنا حق رائے دہی استعمال کر رہے ہیں۔ عوامی جائزوں کے مطابق ان انتخابات میں حکمران سربین پیپلز پارٹی پچاس فیصد کے قریب ووٹ لے سکتی ہے۔
