حیدرآباد19نومبر (یو این آئی) تلنگانہ میں سردی میں اضافہ درج کیاگیا ۔صبح کے وقت کہر سے سڑک پر راستہ صاف نظرنہیں آرہا ہے اورگاڑی سواروں کو مشکلات کا سامنا ہے ۔کومرم بھیم آصف آباد ضلع میں اقل ترین درجہ حرارت 10.5ڈگری درج کیاگیا۔ضلع کے تریانی منڈل میں درجہ حرارت 11.4ڈگری درج کیاگیا۔کیرا میری میں اقل ترین درجہ حرارت 13.3 ڈگری درج کیاگیا۔عادلآباد کے بیلامنڈل میں اقل ترین درجہ حرارت 11.6ڈگری سلسیس درج کیاگیا۔کہا گیا ہے کہ آئندہ چند دنوں میں ریاست بھر میں درجہ حرارات میں مزید کمی بھی ہوسکتی ہے ۔
