ریاض : سعودی عرب نے امریکہ کے ساتھ دفاعی معاہدے کی کوششیں روک دیں اور اسرائیل سے تعلقات معمول پر لانے کو فلسطینی ریاست کے قیام سے مشروط کر دیا۔سعودی اور مغربی ذرائع کے حوالے سے
غیر ملکی خبر ایجنسی کا کہنا ہے کہ سعودی عرب اب امریکہ سے فوجی تعاون بڑھانے پر زور دے رہا ہے اور سعودی ولی عہد محمد بن سلمان نے کہہ دیا ہے کہ اسرائیل کو تسلیم کرنے کیلیے فلسطینی ریاست کا قیام ضروری ہے۔امریکی حکام کا کہنا ہے کہ سعودی عرب سرکاری طور پر سیکیورٹی ضمانتیں اور جدید ہتھیاروں کا حصول چاہتا ہے اور اس سلسلے میں سعودی عرب سے بات چیت جاری ہے۔سعودی عرب نے رواں برس کے شروع میں اسرائیل کے ساتھ معمول کے تعلقات کے بدلے امریکہ سے باہمی سلامتی کے معاہدے کے حصول کی کوششیں شروع کی تھیں۔امریکہ ،سعودی عرب مجوزہ دفاعی معاہدے کی ابھی امریکی سینیٹ سے بھی منظوری ہونی ہے۔
