نئی دہلی: کانگریس ایم پی سونیا گاندھی کو 4 جنوری کو دہلی کے گنگارام اسپتال میں داخل کرایا گیا تھا۔ ان کی بیٹی پرینکا گاندھی واڈرا بھی ان کے ساتھ اسپتال پہنچی تھیں۔ جمعرات (5 جنوری) کو بھارت جوڑو یاترا کے بعد راہل گاندھی اپنی ماں سونیا گاندھی سے ملنے دہلی واپس آگئے ہیں۔ کانگریس کی سابق صدر سونیا گاندھی کو سانس کے انفیکشن کی وجہ سے اسپتال میں داخل کرایا گیا تھا۔ وہ ڈاکٹر اروپ باسو اور ان کی ٹیم کی نگرانی میں ہیں۔ کانگریس کے ریاستی ترجمان انشو اوستھی نے بتایا تھا کہ سونیا گاندھی کی خراب صحت کی وجہ سے پرینکا گاندھی، جو ان کی دیکھ بھال میں مصروف تھیں۔ بھارت جوڑو یاترا عالم گاؤں سے شروع ہوکر اونچاگاؤں پہنچی۔ جس کے بعد راہول گاندھی واپس دہلی لوٹ گئے۔
