نئی دہلی: کانگریس کی سابق صدر سونیا گاندھی کو بخار کی وجہ سے سر گنگا رام ہاسپٹل میں داخل کرایا گیا ہے ۔ذرائع کے مطابق سونیاگاندھی کو ہلکے بخار کی شکایت ہے اور ڈاکٹروں کے مشورے پر انہیں ہاسپٹل میں داخل کرایا گیا ہے ۔ ان کی صحت مستحکم بتائی جاتی ہے اور ان کی دیکھ بھال کرنے والے ڈاکٹر مسلسل ان کی صحت کی نگرانی کر رہے ہیں۔کانگریس پارلیمانی پارٹی کی قائد کو اس وقت ہلکا بخار ہونے کے بعد ہاسپٹل میں داخل کرایا گیا جب وہ دو دن قبل ممبئی میں اپوزیشن جماعتوں کے اتحاد ‘انڈیا’ کے اجلاس میں شرکت کے بعد یہاں پہنچی تھیں۔ سونیا گاندھی کو بخار کی وجہ سے اس سال جنوری میں بھی ہاسپٹل میں داخل کرایا گیا تھا۔ اس کے بعد انہیں 2 مارچ کو دوبارہ بخار ہونے پر گنگا رام ہاسپٹل لے جایا گیا ۔
اور اب انہیں تیسری بار اسی ہاسپٹل میں شریک کیا گیا ہے ۔
