سدی پیٹ۔/24 فبروری، ( سیاست نیوز) جناب کلیم الرحمن سینئر جرنلسٹ و اسٹاف رپورٹر روز نامہ سیاست سدی پیٹ ضلع ، ڈائرکٹر بورڈ آف اردو اکیڈیمی متحدہ اے پی و معاون رکن بلدیہ سدی پیٹ اور کارنامہ حیات ایوارڈ یافتہ ( ٹی ایس ) کے برخوردار نور چشمی ڈاکٹر سفیان الرحمن بی ڈی ایس، ایم ڈی ایچ ایم کا عقد نکاح جناب عبدالقدیم منیجنگ ڈائرکٹر مولڈنگ انڈسٹری ملاپور کی دختر ڈاکٹر عروسہ انجم ( ایم بی بی ایس ) کے ساتھ بعد نماز عصر مسجد عزیزیہ ہمایوں نگر مہدی پٹنم میں بحسن خوبی انجام پایا۔ قبل نکاح پروفیسر انور خاں نے نکاح کو آسان بنانے کے عنوان پر خطاب کیا۔ بعد ازاں استقبالیہ ٹی ایس پیراڈائیز گارڈن راجندر نگر میں ترتیب دیا گیا۔ جس میں مسرز فاروق حسین سابق ایم ایل سی، میر شجاعت علی جنرل منیجر ’سیاست‘ ، سید ایوب علی منیجنگ پارٹنر اگرو انڈسٹریز نظام آباد، سید مجید علی ڈائرکٹر سینٹ گروپس آف انسٹی ٹیوشنس، سید نجیب علی ایڈوکیٹ و سینئر کانگریس قائد، سید شعیب علی، محمد نجم احمد، ایم اے عزیز ( اعتماد )، لیاقت حسین سی ای او کمیٹی و اردو اکیڈیمی، گروناتھ ریڈی سکریٹری محکمہ انڈسٹریز، ابو ایمل، ایم اے رحیم سیفی، خواجہ فخر الدین ریاستی قائد کانگریس، سمیر احمد پروفیسر انور خاں، رتناکر ( پی سی سی )، طاہر بن حمدان ( کانگریس ) ، اشفاق احمد خاں صحافی، محمد مجاہد پالمیر پرائمر انڈسٹری ناچارم، حافظ عبدالسمیع صدر جمعیۃ العلماء نے شرکت کرکے مبارکباد دی۔ تقریب ولیمہ مسنونہ کوئنس پیالیس آرام گڑھ میں منعقد ہوا جس میں ٹی ہریش راؤ ایم ایل اے و سابق وزیر تلنگانہ، جناب عامر علی خاں صاحب نیوز ایڈیٹر روز نامہ ’سیاست‘ و کوٹہ گورنر کے نامزد ایم ایل سی، ڈی سرینواس ایم ایل سی، آر بالکشن سابق ایم ایل اے ، اے بالاملو سابق چیرمین انڈسٹریز تلنگانہ ، ڈی سرینواس سابق چیرمین زرعی کمیٹی، رام موہن سابق چیف ایڈیٹر تلنگانہ میگزین، اطہر معین ( منصف )، پروفیسر ایم اے شکور سابق ڈائرکٹر و سکریٹری اردو اکیڈیمی، سعادت نذیر ( سنگاپور ) این آر آئی، سید سمیع علی مبین عمان این آر آئی، قیوم انور تلنگانہ نیوز ، فیصل قادر ریاستی جنرل سکریٹری ٹی یو ڈبلیو جے روز نامہ سیاست ٹی وی و بیورو رپورٹرس اسٹاف سیاست اور اضلاع کے نامہ نگاران، سدی پیٹ کے کونسلرس ، سابق کونسلرس، سابق چیرمین، سرپنچس، ایم پی ٹی سی و قائدین کے علاوہ ڈاکٹرس، انجینئرس، وکلاء ، علماء و مشائخین، سیاسی قائدین، دانشوروں، تاجرین، اساتذہ، رشتہ داروں اور دوست احباب نے شرکت کی اور مبارکباد دی۔ مہمانوں کا استقبال مسرز سید اعجاز علی موظف جنرل منیجر مائنس، ایم اے رزاق، ذیشان، تحسین، خالد، کیف اور اختر نے کیا۔
