ممبئی : بیرون ممالک سے ملے منفی اشاروں کے درمیان جمعرات کو دیسی شیئر بازاروں میں مسلسل چوتھے روز بھی گراوٹ رہی اور کھلتے ہی سینسیکس اور نفٹی ڈیڑھ فیصد سے زیادہ گر گئے ۔بی ایس ای سینسیکس شروع کے آدھے گھنٹے میں 600 پوائنٹس سے زیادہ اور نیشنل اسٹاک ایکسچینج کا نفٹی 180 پوائنٹس کی گراوٹ میں چلا گیا۔ مارکیٹ میں چوطرفہ فروخت رہی۔ ڈومیسٹک اسٹاک مارکیٹ میں مسلسل گراوٹ رہی ہے ۔کورونا وائرس کے بڑھتے ہوئے معاملات اور دوبارہ لاک ڈاؤن کے امکانات کی وجہ سے غیر ملکی شیئر بازاروں میں زبردست گراوٹ دیکھی جارہی ہے ۔ امریکی اسٹاک مارکیٹوں میں چہارشنبہ کو گرواوٹ کی وجہ سے آج دیسی بازار کھلتے ہی گر گیا۔
