شکاگو ۔ 4 مارچ ۔(سیاست ڈاٹ کام) امریکہ میں شکاگو کے وسطی ایلی نوائے علاقے میں ایک چھوٹے طیارے کے گر کر تباہ ہونے سے تین افراد ہلاک ہو گئے ۔ایلی نوائے کی پولیس نے منگل کے روز بتایا کہ طیارے مقامی وقت کے مطابق آٹھ بجکر 55 منٹ پر حادثے کا شکار ہوا اور زمین پر گرتے ہی طیارے میں زوردار دھماکہ ہوا ۔ مقامی کرونر دفتر نے حادثے میں طیارے میں سوار تمام تین افراد کے ہلاک ہونے کی تصدیق کی ۔ مقامی میڈیا کے مطابق امریکہ نیشنل ٹرانسپورٹیشن سیفٹی بورڈ اس واقعہ کی جانچ کر رہا ہے ۔
