نظام آباد ۔22 نومبر ۔ ( سیاست ڈسٹرکٹ نیوز ) رکن قانون ساز کونسل کے کویتانے بودھن میں بی آرایس امیدوار شکیل عامر اوربھارت راشٹراسمیتی کے کارکنوں پرکانگریس کے کارندوں کے حملے کی شدیدمذمت کی۔کے کویتانے کہاکہ جمہوریت میں تشدد کیلئے کوئی جگہ نہیںہے۔انہوںنے کہاکہ بی آرایس کی مقبولیت سے اپوزیشن جماعتیں بوکھلاہٹ کا شکارہوچکی ہیںاور بزدلانہ حملوںپراُترآئی ہیں۔کویتا نے کہاکہ اپوزیشن جماعتوںبالخصوص کانگریس کو انتخابات میں بدترین ہزیمت کااحساس ہوچکا ہے۔انہوں نے کہاکہ بی آرایس کے قائدین اورکارکن عوامی میدان میں جمہوری انداز میں حملوںکاجواب دیںگے۔کویتا نے کہاکہ شکست کے خوف سے مایوس ہوکرکانگریس قائدین بی آرایس کونشانہ بنارہے ہیں۔انہوںنے کہاکہ بی آرایس پارٹی کے صبرکاامتحان نہ لیاجائے۔
