کراچی: صوبہ سندھ سمیت ملک بھر میں ہونے والی موسلا دھار بارش اکثر اوقات سیلاب لے آتی ہے جس سے بے تحاشہ نقصان ہوتا ہے، دنیا بھر میں اس پانی کو مختلف طریقوں سے محفوظ کیا جاتا ہے اور کراچی کے شہری نے بھی ایسا ہی کارنامہ انجام دیا ہے۔کراچی کے رہائشی محمد امان خان کاکا خیل نے حالیہ بارش کے کروڑوں گیلن پانی کو محفوظ کر کے مختلف کنوؤں تک پہنچا کر ارد گرد کی خشک بورنگز کو دوبارہ بھر دیا ہے۔محمد امان خان نے بتایا کہ ہم رین ہارویسٹنگ کے سسٹم پر آئے ہیں اور یہ نظام دنیا میں بہت کامیاب ہے۔ اس سے سیلاب کی تباہ کاریاں اورپانی کی کمی کوحل کیا جاسکتا ہے۔انہوں نے کہا کہ شہر کراچی کنکریٹ کا جنگل بنا ہوا ہے، سڑکیں بھی کنکریٹ کی ہے اور عمارتیں بھی کنکریٹ سے بنی ہیں۔ شہر کی عمارتیں اس لیے ٹیڑھی اور بیٹھ رہی ہیں کیوں کہ زمین میں پانی نہیں ہے۔محمد امان نے بتایا کہ ہمارے 32 کیقریب پروجیکٹس ہیں، کوئی پروجیکٹ 1 لاکھ گیلن پانی محفوظ کرتا ہے تو کہیں 6 لاکھ گیلن، کہیں 30 لاکھ گیلن پانی محفوظ ہوتا ہے۔ ہم تقریبا کروڑوں گیلن پانی اپنی مدد آپ کے تحت محفوظ بنا رہے ہیں۔
