میسور: کرناٹک کے وزیر بی زیڈ ضمیر احمد خان نے منگل کو مرکزی وزیر اور جنتا دل (سیکولر) کے رہنما ایچ ڈی کمارسوامی کو کالیا کہہ کر مخاطب کرنے پر معذرت کی۔ نیشنل ڈیموکریٹک الائنس (NDA) نے خان کے تبصرے کو نسلی قرار دیتے ہوئے مذمت کی تھی۔تاہم کانگریس لیڈر نے بارہا یہ واضح کرنے کی کوشش کی کہ انہوں نے ماضی میں بھی کمارسوامی کو پیار سے مخاطب کیا تھا جب ان کے درمیان قربت تھی اور یہ پہلی بار نہیں ہے۔ہاؤسنگ اور وقف کے وزیر پہلے جے ڈی (ایس) میں تھے اور انہیں کمارسوامی کا قریبی ساتھی سمجھا جاتا تھا۔ کمارسوامی اس سے قبل وزیر اعلیٰ رہ چکے ہیں۔خان نے کہاکہ اگر میں نے پہلی بار انہیں اس طرح کے لفظ کے ساتھ بلایا تو میں معافی مانگوں گاپیار کی وجہ سے وہ مجھے کلانا (بونا) کہتا تھا، میں اسے کریانہ (کالابھائی) کہتا تھا۔ اس کے باوجود اگر اسے یا کسی اور کو اس سے تکلیف ہوئی ہے تو میں معذرت خواہ ہوں۔ یہاں صحافیوں سے بات کرتے ہوئے انہوں نے کہاکہ میں اسے آج سے نہیں بلکہ شروع سے ہی پیار سے اس طرح کہتا تھا۔ وہ مجھے کلانا کہتا تھا اور میں اسے کریانا (اس کی جلد کے رنگ کے حوالے سے) کہتا تھا۔
ان سے یہ بھی پوچھا گیا کہ کیا ان کے بیانات چنا پٹنہ میں ہونے والے اسمبلی ضمنی انتخابات پر اثر انداز ہوں گے؟
