طرابلس، 9 جنوری (سیاست ڈاٹ کام) فیلڈ مارشل خلیفۃ حفتر کی قیادت والی لیبین نیشنل آرمی (ایل این اے ) نے دعوی کیا ہے کہ راجدھانی طرابلس کا متیگا ہوائی اڈہ پرواز کے لئے ممنوع (نو فلائی زون) علاقے میں شامل کرلیا گیا ہے ۔فوج کے ترجمان احمد مسماری نے چہارشنبہ کو فیس بُک پر پوسٹ کئے گئے بیان میں کہا کہ فیلڈ مارشل خلیفہ ہفتر کی صدارت میں ہوئی میٹنگ میں طرابلس کے متیگا ہوائی اڈے کو پرواز کے لئے ممنوع علاقے میں شامل کرنے کا اعلان کیا گیا۔بیان کے مطابق فوج نے کہا ہے کہ ایئر لائنس نو فلائی زون کی سرحدوں کا احترام کریں اور طیاروں کو مشکل میں نہ ڈالیں۔اس سے قبل اپریل میں ایل این اے نے لیبیا کے مغربی حصے کو پرواز کے لئے ممنوع علاقہ اعلان کیا تھا۔ مغربی حصے پر اقوام متحدہ حامی حکومت کا اقتدار میں ہے جسے معزول کرنے کے لئے ایل این اے جدوجہد کررہا ہے ۔حفتر نے 12 دسمبر سے طرابس پر قبضہ کے سلسلے میں اپنی مہم شروع کرتے ہوئے فیصلہ کن لڑائی کا اعلان کیا ہے ۔
