پالاکرتی کے کناّلا موضع اور ایلیگیڈ میں منعقدہ کسان اجلاس پروگرام میں ضلع کلکٹر کا خطاب
پداپلی /27 مئی ـ(سیاست ڈسٹرکٹ نیوز )پداپلی ضلع کلکٹر سِکتا پٹنائک نے کہا کہ مارکیٹ میں طلب کے حساب سے فصل کی کاشتکاری کریں تو کسانوں کوزیادہ فائدہ ہوگا. ایلیگیڈ منڈل اور پالاکرتی منڈل کے کناّلا موضع میں آج بروز چہارشنبہ منعقدہ کسان اجلاس میں ضلع کلکٹر نے شرکت کی. اس کانفرنس سے خطاب کرتے ہوئے انھوں نے کہا کہ گذشتہ سال ایلیگیڈ منڈل میں %20 تک باریک دھان کی کاشت کی گئی لیکن اس سال موسم برسات میں %40 باریک دھان 1309 ایکرس میں کاشت کرنے’ گذشتہ سال 12 ایکر میں کاشت کردہ مکئی کی جگہ تور دال کی کاشت کرنے کی ہدایت دی. منصوبہ بند طریقے سے مسلسل کاشتکاری کی عمل آوری کے لئے عہدیداروں کو ہدایت دی. انھوں نے کہا کہ منصوبہ بند طریقے سے فصلوں کی کاشت کرنے سے ریتو بندھو امداد اور فصلوں پر کم از کم امدادی رقم کی ادائیگی کر حکومت کسانوں کی مدد کے تحت کوشاں ہے. انھوں نے کہا کہ کچھ لوگوں میں یہ غلط فہمی گھر کرگئی ہے کہ صرف دھان کی کاشت کرنے پر ہی ریتو بندھو اسکیم کے اہل ہوں گے۔ جبکہ حکومت کے ہدایات پر عمل کرتے ہوئے منصوبہ بند طریقے سے کاشت کرنے والے ہر کسان کو ریتو بندھو کے تحت امداد فراہم کی جائیگی.تمام کسان ایک ہی فصل کی کاشت کر نقصان کا سامنا نہ کریں.حکومت کی جانب سے تمام کسانوں کو زیادہ سے زیادہ فائدہ پہونچانے کے تحت منصوبہ بند کاشت کاری پر عمل کرنے کی ہدایت دی جارہی ہے. انھوں نے کہا کہ ضلع میں گذشتہ سال کی طرح ہی اس سال بھی کاشت کی جائیگی. مکئی کی کاشت کے بجائے کپاس اور دالوں کی کاشت پر توجہ دینے’ %45 تک باریک چاول کی کاشت کے لئے کسانوں میں شعور بیدار کرنے کی انھوں نے ہدایت دی. ہمارے ضلع میں %100 کسان منصوبہ بند طریقے سے کاشت کاری کر ریتو بندھو امدادسے مستفید ہونے کے تحت اقدامات کرنے کی ہدایت دی. اس موقع پر ایلیگیڈ منڈل کے حدود میں جونئیر کالج’ پولس اسٹیشن اور ماڈل اسکول کی منظوری کے لئے ایم پی پی نے ضلع کلکٹر کو عرض داشت پیش کی۔ ضلعی زرعی عہدیدار ترومل پرساد’ ضلعی عہدیدار برائے باغبانی جیوتی’ منڈل زرعی عہدیدار ‘ زرعی ترقیاتی عہدیدار وغیرہ نے اس اجلاس میں شرکت کی۔