جالندھر : عام آدمی پارٹی (عآپ) کے امیدوار موہندر بھگت نے پنجاب کے جالندھر ویسٹ اسمبلی ضمنی انتخاب میں 37325 ووٹوں کے فرق سے کامیابی حاصل کی۔ موہندر بھگت کو کل 55246 ووٹ ملے جبکہ ان کی اہم حریف بی جے پی کی امیدوار شیتل انگورل کو 17921 ووٹ ملے ۔ تیسرے نمبر پر رہنے والی کانگریس امیدوار سریندر کور کو 16757 ووٹ ملے اور شرومنی اکالی دل کے سروجیت سنگھ خالصہ کو صرف 662 ووٹ ملے ۔ سابق وزیر چنی لال بھگت کے بیٹے موہندر بھگت نے 2023 کے جالندھر لوک سبھا ضمنی انتخاب کے وقت بی جے پی چھوڑ کرعآپ میں شمولیت اختیار کی۔ پنجاب اسمبلی انتخابات 2022 میں انہوں نے جالندھر ویسٹ سیٹ سے بی جے پی کے ٹکٹ پر الیکشن لڑا جس میں انہیں تقریباً 37000 ووٹ ملے ۔ وہ 1997 سے 1999 تک پنجاب بی جے پی کے ایس سی مورچہ کے جنرل سکریٹری رہے ۔ وہ بی جے پی پنجاب کے ریاستی نائب صدر بھی رہ چکے ہیں۔ وہ ایس اے ڈی – بی جے پی حکومت کے دوران 2007 سے 2011 تک پنجاب میڈیم انڈسٹریز بورڈ کے چیئرمین رہے ۔ ان کے امیدوار بننے سے یقیناً آپ کو مضبوطی ملے گی۔ یہ سیٹ عآپ ایم ایل اے شیتل انگول کے پارٹی چھوڑنے کی وجہ سے خالی ہوئی ہے ۔ شیتل انگورل فی الحال بی جے پی میں ہیں۔
