علیگڑھ 8 فروری (سیاست ڈاٹ کام) بی جے پی کی یوتھ ونگ نے علیگڑھ مسلم یونیورسٹی کیمپس میں ایک مندر تعمیر کرنے کے لئے اراضی الاٹ کرنے کا مطالبہ کرتے ہوئے کہا ہے کہ ہندو طلبہ کو پوجا کرنے میں مسائل کا سامنا ہے۔ وائس چانسلر طارق منصور کو مکتوب میں بھارتیہ جنتا یووا مورچہ کے ڈسٹرکٹ پریسڈنٹ مکیش سنگھ لودھی نے کہاکہ اگر یونیورسٹی اُن کا مطالبہ اندرون 15 یوم پورا نہیں کرتی ہے تو وہ مناسب مقام پر مورتی نصب کرتے ہوئے مندر کی تعمیر شروع کردیں گے۔
