کراچی ۔عالمی وبا کورونا کے باعث بند کرکٹ گراؤنڈ کے عملہ نے عمران خان سے روزگار دینے کا مطالبہ کردیا۔لاہور سے تعلق رکھنے والے گراؤنڈ مین شوکت نے کہا ہے کہ سات ماہ سے بے روزگار ہیں، فاقوں کی نوبت آگئی ہے۔گراؤنڈز مین نے مزید کہا ہے کہ پیٹرن پاکستان کرکٹ بورڈ (پی سی بی) وزیر اعظم عمران خان ہمیں نوکریوں پر بحال کریں، پی سی بی سے درخواست ہے کہ ڈومیسٹک کرکٹ اسٹرکچر کو مکمل نافذ کریں۔گراؤنڈ عملہ نے کہا کہ نہ صوبائی اور سٹی اسوسی ایشنز بنیں اور نہ ہمیں دوبارہ نوکری ملی۔ شوکت نے کہا کہ کورونا وائرس کی وجہ سے کھیلوں کی سرگرمیاں بھی ختم ہو گئی ہیں، کورونا وائرس نے ہماری مشکلات میں اضافہ کر دیا ہے۔ واضح رہے کہ نئے ڈومیسٹک اسٹرکچر کے بعد پی سی بی نے سینکڑوں گراؤنڈ اسٹاف سے معاہدے ختم کر دیئے ہیں۔