سری نگر: ہندوستان اور پاکستان کی فوج نے جمعرات کو عید الالضحیٰ کے موقعے پرآپس میں مٹھائیاں تقسیم کیں۔ دفاعی ذرائع نے بتایا کہ جمعرات کے روز ہندوپاک افواج نے سانبہ، کٹھوعہ، آر ایس پورہ اور اکھنور سیکٹروں میں عید الالضحیٰ کے مبارک موقعے پر ایک دوسرے کو مٹھائیاں پیش کیں۔انہوں نے بتایا کہ ہندوستانی فوج نے پاکستان کی فوج کو مبارکباد دی اور امن اورہم آہنگی کے لیے نیک خواہشات کا اظہار کیا۔ بیان میں کہا گیا کہ سرحدوں پر جاری جنگ بندی معاہدے پر عمل در آمد کے بیچ اس قسم کے اقدام سے جموں و کشمیر میں امن و آشتی کو مزید فروغ ملے گا۔
