نیویارک ۔10؍اگست (ایجنسیز )غزہ پر قبضے کے اسرائیلی اعلان کے بعد اقوامِ متحدہ کی سلامتی کونسل کا ہنگامی اجلاس ہوا۔ اجلاس یورپی ملکوں برطانیہ، فرانس، ڈنمارک، سلووینیا اور یونان کی درخواست پر بْلایا گیا ہے۔ غزہ میں اسرائیلی وحشیانہ حملے اور نسل کشی جاری ہے اور چند روز قبل اسرائیل نے غزہ پر قبضے کا اعلان کیا ہے۔آج اسرائیلی وزیرِ اعظم نیتن یاہو نے کہا ہے کہ حماس کے ہتھیار ڈالنے سے انکار پر اس کے خاتمہ کے سوا کوئی چارہ نہیں۔
