ریاض: غزہ کیلئے جاری عوامی عطیات مہم کے تحت سعودی عرب سے 22 واں طیارہ آج منگل کو روانہ ہوگیا ہے۔ ریاض سے مصر کے ابو عریش ایئرپورٹ کیلئے روانہ ہونے والے طیارے میں 39 ٹن سامان موجود ہیانتظامیہ نے کہا ہے کہ ’طیارے میں غذائی اشیا کے علاوہ، طبی سامان، کمبل، خیمے اور سلیپنگ پیگز موجود ہیں‘۔واضح رہے کہ خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کی ہدایت پر عوامی عطیات مہم جاری ہے۔اسی اثنا میں سعودی عرب کی جانب سے غزہ کیلئے فضائی امدادی کارروائیوں کے ساتھ ساتھ سمندری ذریعے سے بھی ضروری اشیا کی ترسیل شروع کردی گئی ہے۔کنگ سلمان سنٹر برائے انسانی امداد کی جانب سے غزہ کے متاثرین کو ضروری اشیا کی فوری ترسیل کیلئے سمندری مہم کا بھی آغاز کردیا گیا۔
