ممبئی : ملک کے غیر ملکی زرمبادلہ کے ذخائر 3 دسمبر کو ختم ہونے والے ہفتے میں 1.78 بلین ڈالر کم ہوکر 635.90 بلین ڈالر پر آ گئے ۔ پچھلے ہفتے یہ 2.71 بلین ڈالر کم ہو کر 637.68 بلین ڈالر رہا تھا۔ریزرو بینک کے جاری کردہ ہفتہ وار اعداد و شمار کے مطابق، 3 دسمبر کو ختم ہونے والے ہفتے میں غیر ملکی زرمبادلہ کے ذخائر کا سب سے بڑا جزو، غیر ملکی کرنسی کا اثاثہ 1.48 بلین ڈالر کم ہو کر 573.18 بلین ڈالر رہ گیا۔ اسی طرح اس عرصے کے دوران سونے کے ذخائر 40.7 کروڑ ڈالر کم ہوکر 38.41 ارب ڈالر رہ گیا۔زیر جائزہ ہفتے میں اسپیشل ڈرائنگ رائٹس (ایس ڈی آر)9 کروڑ ڈالر بڑھ کر 19.12 بلین ڈالر پر پہنچ گیا۔
