بی آر ایس، بی جے پی کی رشتہ دار پارٹی، کے سی آر پر مسلمانوں کے ساتھ ناانصافی کا الزام، کھمم میں عمران پرتاب گڑھی، محمد اظہر الدین کا خطاب
کھمم ۔ 21 نومبر (سیاست ڈسٹرکٹ نیوز) مرکز میں فرقہ پرست طاقتوں کو شکست دینے کے لیے تلنگانہ اسمبلی انتخابات سیمی فائنل ہے۔ تلنگانہ کے چیف منسٹر کے سی آر گزشتہ ساڑھے نو سال سے اقلیتوں کا استحصال کیا۔ بی آر ایس بی جے پی کی رشتہ دار پارٹی ہے۔ مسلم تحفظات ڈبل بیڈروم مکانات مسلمانوں کو سبسڈی لونس اور اردو زبان پر عمل آوری ندارد ہے۔ ان خیالات کا اظہار کھمم سٹی کانگریس کمیٹی کی جانب سے سیکول فنکشن ہال کھمم میں منعقدہ مسلم اقلیتی جلسہ سے ملک کے نامور شاعر رکن راجیہ سبھا و صدر کانگریس اقلیتی ڈپارٹمنٹ عمران پرتاب گڑھی اور محمد اظہر الدین نے خطاب کرتے ہوئے کیا۔ ان قائدین نے کہا کہ کے سی آر نے 2014 میں تلنگانہ کے مسلمانوں کو 12 فیصد تحفظات کا وعدہ کرتے ہوئے اقتدار میں آئے اپنے وعدہ کو فراموش کرتے ہوئے تلنگانہ کے مسلمانوں کے ساتھ ناانصافی کی کے سی آر نے مرکز میں جب بھی بی جے پی حکومت کو ضرورت پڑی پارلیمنٹ کے دونوں ایوانوں میں بھر پور تعاون کیا عمران پرتاب گڑھی نے اپنے خطاب کو جاری رکھتے ہوئے چیف منسٹر تلنگانہ کے سی آر پر سخت تنقید کرتے ہوئے کہا کے سی آر وزیر اعظم نریندر مودی کے یار ہیں اور بی آر ایس پارٹی کو بی جے پی رشتہ دار پارٹی قرار دیتے ہوئے کہا کہ آج تلنگانہ کے مسلمانوں کو تحفظات فراہم نہیں کیے گئے اور نہ ھی سبسڈی لونس فراہم کیے گئے مسلمانوں کو تمام شعبوں میں کے سی آر کی تانا شاہی حکومت نے پسماندہ کرنے کا کام کیا کانگریس پارٹی ہی وہ واحد سیاسی جماعت ہے جو ملک کے تمام طبقات کے ساتھ مساویانہ برتاؤ کرتی ہے عمران پرتاب گڑھی اور محمد اظہر الدین نے 30 نومبر کو منعقدہ اسمبلی انتخابات میں کھمم اسمبلی حلقہ سے ٹی ناگیشور راؤ کو ایک تاریخی جیت سے ہم کنار کرنے کی اپیل کرتے ہوئے کہا کہ تلنگانہ کی عوام 30 نومبر کے بعد کے سی آر کو اقتدار سے بیدخل کردیں گی اس موقع پر سابقہ ریاستی وزیر و امیدوار حلقہ اسمبلی کھمم کانگریس پارٹی ٹی ناگیشور راؤ اور سابقہ مرکزی وزیر رینکا چودری نے اپنے خطاب میں کہا کہ جب کبھی بھی ملک و ریاست تلنگانہ کے مسلم اقلیتوں نے کانگریس کے حق میں ووٹ کا استعمال کیا ملک میں کانگریس پارٹی اقتدار میں آئے کانگریس پارٹی کی کامیابی میں ہمیشہ مسلم اقلیتوں کا کلیدی کردار رہا ہے ٹی ناگیشور راؤ نے کہا کہ تلنگانہ میں کانگریس اقتدار میں آتے ہی مسلم ڈکلیریشن پر اثر کے ساتھ عمل کیا جائے گا اور کانگریس کی جانب سے 6 ضمانتوں کا جو اعلان کیا گیا صد فیصد عمل کیاجائے گا ٹی ناگیشور راؤ نے کھمم شہر کے مسلمانوں سے وعدہ کیا کہ ھر غیب مسلمان جو بے گھر اس گھر بناکر دیا جائے گا تمام طبقات کے ساتھ ہر شعبہ میں انصاف کیے جانے کا تیقن دیا جلسہ عام میں عوامی سروں کا سمندر دیکھا گیا بالخصوص جلسہ عام میں برقہ پوش مسلم خواتین کی کثیر تعداد شریک تھی جلسہ کی صدارت محمد جاوید کھمم سٹی کانگریس صدر نے کی اسٹیج پر ڈپٹی میر کھمم بلدیہ کارپوریشن فاطمتہ الزہرا نمائندہ کارپوریٹر کانگریس پارٹی محمد مصطفی کھمم سٹی کانگریس اقلیتی صدر حافظ عباس کھمم کے علاوہ کانگریس کے مبصرین ڈاکٹر اویناش واج ریکر سابقہ ریاستی وزیر مہاراشٹر کے علاوہ کانگریس پارٹی کے کارپوریٹرس بھی موجود تھے۔
