حیدرآباد ۔ /26 ڈسمبر (سیاست نیوز) پرانے شہر میں چلائے جارہے قماربازی کے اڈے کو بے نقاب کرتے ہوئے ٹاسک فورس نے 15 افراد کو گرفتار کرلیا ۔ بتایا جاتا ہے کہ 4 کمان علاقہ میں واقع ایک رہائشی مکان میں غیرمجاز طور پر قماربازی کا اڈہ چلایا جارہا تھا ۔ اس بات کی اطلاع ملنے پر ساؤتھ زون ٹاسک فورس ٹیم نے وہاں دھاوا کرتے ہوئے 15 افراد کو گرفتار کرلیا اور ان کے قبضے سے موبائیل فون اور 66 ہزار نقد رقم برآمد کرلیا ۔ ان کے خلاف مزید کارروائی کیلئے گرفتار افراد کو چارمینار پولیس اسٹیشن کے حوالے کردیا گیا ۔
