چنڈی گڑھ 6جون (سیاست ڈاٹ کا م) مرکزی وزارت برائے امور نوجوانان اور کھیل نے سال 2017-18 اور 2018-19 کے قومی کھیل ایوارڈ کے لئے 26 جون 2020 تک درخواستیں طلب کی ہیں۔ہفتے کے روز یہ جانکاری دیتے ہوئے ایک سرکاری ترجمان نے بتایا کہ بیسٹ نیشنل یوتھ ٹیلنٹ ایوارڈ کے لئے درخواست دینے والے مرد/ خاتون کی عمر یکم جنوری تک 15 سے 29 سال کے درمیان ہونی چاہئے اور اس ملک کا شہری ہونا چاہئے جس کے لئے اسے بیان حلفی دینا ہوگا۔ درخواست دہندہ کے لئے لازم ہوگا کہ وہ اپنی درخواست کے ساتھ تین سال کی کامیابیوں کی تفصیلات پیش کرے ۔بحیثیت رضاکار درخواست دہندہ نے صحت ، تحقیق ، ثقافتی ، بنیادی حقوق اور فرائض ، شعور ، معاشرتی بہبود ، کھیل ، معاشرتی ترقی ، فطرت تحفظ ، خواندگی ، جدید تعلیم ، معاشرتی برائیاں ، برائیوں کا خاتمہ اور وسائل کی تخلیق وغیرہ میں کام کیا ہو۔درخواست دہندہ کو ریاست اور حکومت ہند ، پی ایس یو یونیورسٹی ، کالج ، اسکول میں کسی بھی عہدے پر کام نہیں کرنا چاہئے اور کسی بھی قسم کا اعزاز قبول نہیں کرنا چاہئے ۔ اس کے لئے درخواست دہندہ کو ایک حلف نامہ منسلک کرنا پڑے گا جو مذکورہ بالا تمام شرائط کو پورا کرتا ہو۔
