رائے پور:چھتیس گڑھ کے سورج پور ضلع میں ڈسٹریٹ کلیکٹرکو ان کے عہدے سے ہٹا دیا گیا ہے۔ اس سے پہلے ایک ویڈیو وائرل ہوا تھا، جس میں ڈسٹریٹ کلیکٹر کو ایک نوجوان کے گال پر تھپڑ رسید کرتے ہوئے دیکھا جاسکتا ہے۔ یہ نوجوان لاک ڈاؤن کے دوران دوائیں خریدنے گیا تھا۔اس واقعے کے بعد ڈسٹریٹ کلیکٹر کو شدید تنقید کا سامنا کرنا پڑا، جس سے ضلعی کلکٹر رنبیر شرما
(Ranbir Sharma)
اس حرکت سے معافی مانگنے پر مجبور ہوئے۔ انھوں نے لاک ڈاؤن کے دوران کووڈ۔19 کے حفاظتی اصولوں کی خلاف ورزی کرنے پر اس نوجوان کا فون زمین پر پھینک دیاتھا اور اسے تھپڑ بھی رسید کیا۔ویڈیو میں یہ نوجوان،شرما کو ایک کاغذ دکھاتے ہوئے دیکھا جاسکتاہے کہ اس کی وضاحت کے لئے کہ وہ لاک ڈاؤن کے دوران کیوں باہر ہے۔ جواب میں رنبیر شرما، اس کا فون لے کر زمین پر پھینک دیتے ہیں اور پھر اسے تھپڑ مار دیتے ہیں۔ انہوں نے 10 پولیس اہلکاروں سے اس شخص کو کچلنے کے لئے کہا اور اس سے اس کے خلاف ایف آئی آر درج کرنے کو بھی کہا۔سوشل میڈیا پر لوگوں کی جانب سے ناراضگی کا اظہار کیے جانے پر رنبیر شرما نے اس واقعہ پر معافی مانگی۔