غزہ پٹی: ’’لا غالب الا اللہ‘‘ … ان الفاظ کے ساتھ فلسطینی فنکارہ دلال ابو آمنہ نے غزہ میں ہونے والے واقعات پر متاثرین سے یکجہتی کا اظہار کیا تو اسرائیلی شہر الناصرہ کی مجسٹریٹ عدالت نے ان کی گرفتاری کی مدت میں توسیع کر دی۔دلال ابو آمنہ کی وکیل عبیر بکر نے بتایا کہ ان کی مؤکلہ سے ابھی تک تفتیش جاری ہے۔ آخری اطلاعات آنے تک ان سے متعلق کوئی باقاعدہ سرکاری اعلان سامنے نہیں آیا ہے۔عبیر بکر کے بقول فنکارہ دلال کو فیس بک پر الا غالب الا اللہ‘‘ کے الفاظ میں اسٹیٹس لگانے پر مزید تفتیش کیلئے حراست میں لیا گیا۔ یہ اسٹیٹس دلال کے سوشل میڈیا اکاؤنٹ مینجمنٹ سٹاف نے گذشتہ ہفتہ کو لگایا تھا۔خاتون وکیل نے بتایا کہ اسرائیلی پولیس اہلکار ان کے گھر انہیں حراست میں لینے کیلئے آئے حالانکہ دلال نے خود یہودی آبادکاروں کی طرف اپنے خلاف نفرت آمیز کارروائیوں کا مقدمہ درج کرنے کی درخواست دے رکھی تھی۔
