لندن : لیورپول نے ٹوٹنہم ہوٹسپرکو 1-5 گول سے شکست دے کر انگلش پریمیئر لیگ خطاب جیت لیا۔ لیور پول نے اپنے 34 ویں میچ میں ٹوٹنہم ہوٹسپر کو بے بس کرتے ہوئے پہلے ہی ہاف میں تین گول کردیئے، یہ گول ڈیاز، میک الیسٹر اورگیکپو نے اسکورکیے جبکہ ٹوٹنہم ہوٹسپرکا واحد گول اسی ہاف میں بنا جو ڈی سولنکی نے اسکورکیا۔ دوسرے ہاف میں لیور پول کا چوتھا گول محمد صلاح نے بنایا جبکہ لیورپول کا پانچواں گول اون گول تھا، ٹوٹنہم ہوٹسپر کے کھلاڑی یوگی نے گیند اپنے ہی جال میں پہنچائی۔ کامیابی سے لیورپول نے پوائنٹس کی تعداد 82 کر لی، جبکہ دوسرے نمبر پر موجود آرسنل کے 67 پوائنٹس ہیں۔دونوں ٹیموں کے ابھی چارچار میچز باقی ہیں لیکن خطاب لیورپول کے نام ہوگیا ہے۔ لیور پول پریمیئر لیگ پانچ سال بعد جیتا ہے اور مجموعی طور پر یہ اس کا 20 واں خطاب ہے۔دوسری جانب مانچسٹر سٹی نے ناٹنگھم فاریسٹ کو 2-0 سے شکست دے کر مسلسل تیسری مرتبہ ایف اے کپ کے فائنل میں رسائی حاصل کی۔ ایونٹ کا فائنل 17 مئی کو مانچسٹر سٹی اور کرسٹل پیلس کے درمیان کھیلا جائے گا۔
