حیدرآباد21جولائی(یواین آئی) حیدرآباد سے تعلق رکھنے والے مارشل آرٹس کے ماہر شسوت کمار کے لیے یہ ایک فخر کا لمحہ رہا، جب انہیں جرمنی کی کبودو کراٹے فیڈریشن اور کبودو مارشل آرٹس انسٹیٹیوٹ کے صدر پروفیسر سوکے ہنشی ڈاکٹر تھانہ ونٹر لوئونگ کی جانب سے ورلڈ مارشل آرٹس پاینیر ایوارڈ سے نوازا گیا۔ یہ اعزاز مارشل آرٹس کے عالمی فروغ اور ترقی میں اُن کی خدمات، خاص طور پر سینکوکائی کراٹے سسٹم کے ذریعے کے اعتراف میں دیا گیا۔ اتوار کو 36 سالہ شسوت کمار کو لگاتار دسویں سال کے لیے انٹرنیشنل ہال آف فیم میں بھی شامل کیا گیا۔ یہ اعزاز دنیا بھر کی معروف مارشل آرٹس تنظیموں کے اتحاد نے دیا، جن میں انٹرنیشنل مارشل آرٹس ڈریگن ٹائیگر تھِچ تھنہ ٹام اسکول اینڈ فیڈریشن، کونسل آف پروفیسرز اینڈ انٹرنیشنل سینئر گرینڈ ماسٹرز، یونیورسل مارشل آرٹس برادرہڈ، مارسال یونیورسٹی مارشل آرٹس، اور جاپان کی اکیڈمی آف مارشل آرٹس سائنس شامل ہیں۔ شسوت کمار کو دنیا بھر میں مارشل آرٹس کی تعلیم، تربیت اور ایک منفرد خود مختار کراٹے اسٹائل کی ترقی میں اُن کے رول کے لیے کئی بین الاقوامی اداروں نے سراہا ہے۔ انہوں نے اب تک دس بار انٹرنیشنل ہال آف فیم ایوارڈ حاصل کیا ہے ، جو کہ انڈونیشیا (2بار)، ویتنام (5بار)، ایران، امریکہ اور جرمنی جیسے ممالک نے عطا کئے ہیں۔
