بی ایس ایف اسنوکر ٹیم ورلڈ کپ
فائنل میںہانگ کانگ کی ٹیم کو 3-2 سے شکست
اسلام آباد ۔ 24؍نومبر ( ایجنسیز )پاکستانی اسنوکر کھلاڑی محمد آصف اور اسجد اقبال نے شاندار کارکردگی کا مظاہرہ کرتے ہوئے بی ایس ایف اسنوکر ٹیم ورلڈ کپ جیتنے کا اعزاز حاصل کر لیا۔پاکستان نے ہندوستان کو شکست دیکر اسنوکر ورلڈ کپ کے فائنل میں جگہ بنائی تھی۔مسقط میں کھیلی جانے والی چیمپئن شپ کے فائنل میں اتوار کو محمد آصف اور اسجد اقبال کی جوڑی نے انتہائی سنسنی خیز مقابلے کے بعد ہانگ کانگ کی ٹیم کو 3-2 سے شکست دی۔اس سے قبل پاکستان نے ہندوستان کو شکست دے کر آئی بی ایس ایف اسنوکر ٹیم ورلڈ کپ کے فائنل میں رسائی حاصل کی تھی۔