نئی دہلی۔ وزیر دفاع راجناتھ سنگھ نے مشرقی لداخ میں ایل اے سی کے سلسلے میں حالیہ سرگرمیوں کے پیش نظر یہاں ایک اعلی سطح کے اجلاس میں موجودہ صورتحال کا جائزہ لیا۔سنگھ نے ایل اے سی کنٹرول کی تازہ صورتحال پر آرمی چیف اور قومی سلامتی سے وابستہ عہدیداروں سے بات کی اور آئندہ کے منصوبے پر بھی تبادلہ خیال کیا۔اس اجلاس میں آرمی چیف جنرل منوج مِکونڈ نارونے نے 29 اور 30 اگست کی درمیانی شب پیگانگ جھیل کے جنوبی کنارے پر چینی فوج کی سرگرمیوں سے وزیر دفاع کو آگاہ کیا۔وزارت دفاع نے کل کہا تھا کہ چینی فوجی دستوں نے پھر سے مشرقی لداخ میں مذموم حرکت کی اور 29 اور 30اگست کی درمیانی شب دونوں ممالک کے مابین معاہدے کی خلاف ورزی کرتے ہوئے کو تبدیل کرنے کی کوشش کی، جس کا ہندوستانی فوجی دستے نے منہ توڑ جواب دیا ہے۔
