صدرجمہوریہ کا تین روزہ دورۂ پوروانچل کے موقع پر قبائیلی برادری کے جلسہ عام سے خطاب
سون بھدر :صدر جمہوریہ رام ناتھ کووند نے اتوار کے روز کہا کہ قبائلی برادری کی ترقی کے بغیر ملک اور معاشرے کی ترقی نہیں ہوسکتی ہے ۔ پوروانچل کے تین روزہ دورے کے دوسرے روز مسٹر کووند ضلع میں بھابنی بلاک کے کاریڈاڈ، چپکی میں واقع سیوا سمرن ادارے کی جانب سے چلائے جا رہے سیوا کنج آشرم میں نو تعمیر شدہ اسکول ، ہاسٹل وغیرہ کا افتتاح کر نے پہنچے تھے ۔ انہوں نے کہا ‘‘ جب بھگوان رام نے راون کے ساتھ جنگ میں فتح حاصل کی تھی ، ا س میں قبائلیوں کا بہت بڑا تعاون تھا ، اسی طرح اگر ملک اور معاشرے کو آگے بڑھانا ہے تو پہلے قبائلی سماج کو آگے لے جانا ہوگا ‘‘۔ صدر نے کہا کہ سون بھدر چار ریاستوں کی سرحدوں سے گھرا ہوا ہے ، اسے مقام پر اسکول اور ہاسٹل چلنے سے اترپردیش اور دیگر ریاستوں کے سرحدی علاقوں کے قبائلی طلبہ کو بھی فائدہ ہوگا ۔ انہوں نے کہا کہ قبائلی علاقے ا ن کیلئے تیرتھ استھا ن جیسے ہیں۔ اگر قبائلی برادی کی حوصلہ افزائی کی جائے تو ملک ہی نہیں بلکہ بیرون ملک بھی ہندوستان کا نام روشن کریں گے ۔ پسماندہ ، دلت اور قبائلیوں کی ترقی ضروری ہے ۔ انہوں نے این ٹی پی سی کی جانب سے تعمیراتی کام کر ائے جانب پر ان کی تعریف کی۔ انہوں نے وزیر اعلی اور گورنر پر زور دیا کہ مرکزی حکومت سے تال میل بناکر قبائلیوں کو آگے بڑھانے میں تعاون کر یں ۔صدر نے کہا کہ ہندوستان کی روح قبائلی علاقوں میں مقیم ہے ، اگر کوئی اس ثقافت سے واقف ہونا چاہتا ہے تو اسے سون بھدرجیسے اضلاع میں وقت گزارنا چاہئے ۔ قبائلی معاشرے کی ترقی کے بغیر مجموعی ترقی نامکمل ہے ۔مرکزی اور ریاستی حکومتیں ان کی ترقی کے لئے بہت سے پروگرام چلا رہی ہیں۔ قبائلی معاشرے کی بہت سی صلاحیتوں نے ملک میں بہت اچھا کام کیا ۔ ناپید ہو رہے فنون کی ترقی کے لئے سیوا سمرن سنستھان کام کر رہا ، یہ دیکھ کر مجھے خوشی ہو رہی ہے ۔ انہوں نے کہا کہ عظیم شخصیات کی یادیں ، فنون لطیفہ اور نغموں کو محفوظ رکھنے کا کام بھی جاری ہے ۔ مجھے امید ہے کہ قبائلی علاقوں کی ترقی کے لئے ریاستی حکومت کی جانب سے مزید کام بھی کئے جاتے رہیں گے ۔ مسٹر کووند نے سیوا سمرن ادارے کے زیر انتظام مذکورہ سیوا کنج آشرم کے احاطہ میں تعمیر اسکول ، ہاسٹل اور ریستوران کی عمارتوں کا افتتاح کیا ۔ این ٹی پی سی کی جانب سے تقریبا گیارہ کروڑ روپے کی لاگت سے 18 کلاس رومز اور 24 کمروں پر مشتمل ہاسٹل تعمیر کیا گیا ہے اور دیگر کمرے بھی زیر تعمیر ہیں۔ اس کے علاوہ بلا خلل بجلی کی فراہمی کے لئے 40 کلو واٹ سولر پاور پینل بھی نصب کیا گیا ہے ۔