پدا پلی ۔ یکم / مئی (سیاست ڈسٹرکٹ نیوز)ضلع میں موسم گرما کے پیش نظر منظم انداز میں پینے کے پانی کی سربراہی کے لئے موثر لائحہ عمل تیار کرنے کی ضلع کلکٹر سِکتا پٹنائک نے متعلقہ عہدیداروں کو تاکید کی. موسم گرما میں پینے کے پانی کی سربراہی سے متعلقہ لائحہ عمل کی تیاری پر بروز چہارشنبہ ضلع کلکٹر نے بلدی کمشنروں کے ہمراہ ویڈیو کانفرنس کا انعقاد عمل میں لایا. اس کانفرنس سے خطاب کرتے ہوئے انھوں نے کہا کہ ضلع کے ہر بلدیہ کو مشن بھگیرتا کے ذریعہ پانی سربراہ کیا جائے. اس سے متعلقہ تمام کاموں کو بر وقت مکمل کرنے کے لئے اقدامات کرنے’ پانی کی قلت کو دور کرنے کے لئے محتاط رہنے کی ضلع کلکٹر نے عہدیداروں کو ہدایت دی. انھوں نے مزید کہا کہ مشن بھگیرتا اسکیم کے تحت بہت زیادہ مقدار میں پانی سربراہ کیا جائے گا. پانی کا کوئی مسئلہ نہیں ہوگا. اس پانی کی منظم انداز میں عوام تک بغیر کسی دشواری کے سربراہی کے تحت اقدامات کرنے کی کلکٹر نے عہدیداروں کو تاکید کی. ایڈیشنل کلکٹر لکشمی نارائنا’ راماگنڈم میونسپل کمشنر اودئے کمار وغیرہ نے اس کانفرنس میں شرکت کی.۔
