نئی دہلی، 29 اکتوبر (یواین آئی) وزیر اعظم نریندر مودی 30 اور 31 اکتوبر کو گجرات کا دورہ کریں گے اور مختلف بنیادی ڈھانچے اور ترقیاتی منصوبوں کا افتتاح اور سنگ بنیاد رکھیں گے۔ چہارشنبہ کو یہاں جاری ایک سرکاری ریلیز کے مطابق دو روزہ دورے میں 1,140 کروڑ روپے سے زیادہ کے ترقیاتی منصوبوں کا افتتاح اور سنگ بنیاد رکھنا شامل ہے ۔ سردار ولبھ بھائی پٹیل کے 150 ویں یوم پیدائش کی یاد میں قومی اتحاد کے دن کی شاندار تقریب بھی منعقد کی جائے گی۔ ان منصوبوں کا مقصد سیاحت کے امکانات کو بڑھانا، رسائی کو بہتر بنانا اور خطے میں پائیدار ترقیاتی اقدامات کو فروغ دینا ہے ۔ 1,140 کروڑ سے زیادہ کی کل سرمایہ کاری کے ساتھ یہ پروجیکٹس دنیا کے سب سے اونچے مجسمے کے آس پاس کے علاقے میں ماحولیاتی سیاحت، سبز نقل و حرکت، اسمارٹ انفراسٹرکچر اور قبائلی ترقی کو فروغ دینے کے حکومت کے ویژن کی عکاسی کرتے ہیں۔
مودی کی کل بین الاقوامی آریہ کانفرنس میں شرکت
نئی دہلی، 29 اکتوبر (یو این آئی) وزیر اعظم نریندر مودی جمعہ کی دوپہر ڈھائی بجے روہنی میں ہونے والی بین الاقوامی آریہ کانفرنس 2025 سے خطاب کریں گے ۔ وزیر اعظم کے دفتر نے بتایا کہ یہ پروگرام مہارشی دیانند سرسوتی جی کی 200ویں سالگرہ اور آریہ سماج کی 150 سالہ سماجی خدمت کے موقع پر منعقد ہونے والے گیان جیوِتی مہوتسو کا ایک اہم حصہ ہے ۔ اس موقع پر وزیر اعظم حاضرین سے خطاب بھی کریں گے ۔ یہ اجلاس ہندوستان اور بیرونِ ملک موجود آریہ سماج کی مختلف شاخوں کے نمائندوں کوباہم مجتمع کرے گا اور اس کے ذریعے مہارشی دیانند کے اصلاحی نظریات اور تنظیم کی عالمی رسائی کی آفاقی اہمیت کی عکاسی ہو گی۔
اس میں ‘150 گولڈن ایئرز آف سروس’ کے عنوان سے ایک نمائش کا اہتمام بھی کیا جائے گا، جو تعلیم، سماجی اصلاح اور روحانی ترقی کے ضمن میں آریہ سماج کے ارتقائی سفر کا اشاریہ ہو گی۔
جن منصوبوں کا افتتاح کیا جائے گا ان میں راج پیپلا میں برسا منڈا ٹرائبل یونیورسٹی شامل ہے ۔ اس کے علاوہ مسٹر مودی انڈین امپیریل اسٹیٹ میوزیم سمیت مختلف پروجیکٹوں کا سنگ بنیاد رکھیں گے ۔
اس تقریب کے دوران مسٹر مودی سردار پٹیل کی 150 ویں یوم پیدائش کی یاد میں ایک خصوصی یادگاری سکہ اور 150 روپے کا ڈاک ٹکٹ بھی جاری کریں گے ۔
31 اکتوبر کو وزیر اعظم یوم یکجہتی کی تقریبات میں شرکت کریں گے اور سردار ولبھ بھائی پٹیل کو خراج عقیدت پیش کریں گے ۔