رائے پور : وزیراعظم نریندر مودی کی ریالی میں جانے والی بس کو راستہ میں حادثہ پیش آگیا جس میں 3 افراد ہلاک اور 6 زخمی ہوگئے۔ میڈیا کے مطابق رائے پور میں بس لوگوں کو وزیراعظم مودی کی ریالی میں لے جارہی تھی۔ مقامی پولیس کے مطابق بس میں 40 افراد سوار تھے جس نے پیچھے کی جانب سے ٹرک کو ٹکر دی۔ پولیس کے مطابق بس ڈرائیور بارش کے باعث سڑک پر کھڑے ٹرک کو دیکھ نہ سکا جس کے باعث حادثہ پیش آیا۔ میڈیا کے مطابق حادثہ میں زخمی ہونے والے بی جے پی کے دو عہدیداروں کی حالت تشویش ناک ہے جنہیں خانگی اسپتال منتقل کردیا گیا ہے۔ میڈیا کے مطابق پولیس نے حادثہ کی تحقیقات شروع کردی ہیں۔
