ناگپور: مہاراشٹر کے وزیر اعلیٰ دیویندر فڈنویسنے اتوار کو کہا کہ ریاستی حکومت ضلع بیڈ کے مسجدوگ گاؤں کے سرپنچ سنتوش دیش مکھ کے قتل کیس کی سختی سے تحقیقات کر رہی ہے اور اس جرم میں ملوث افراد کو نہیں بخشا جائے گا۔فڈنویس نے صحافیوں کو بتایا کہ سنتوش دیشمکھ کے قتل کیس کو سیاسی نہیں بنایا جانا چاہیے۔دیشمکھ کو 9 دسمبر کو اس وقت قتل کر دیا گیا جب اس نے بیڑ میں ونڈ مل پروجیکٹ چلانے والی انرجی کمپنی سے پیسے بٹورنے کی کوشش کو روکنے کی کوشش کی۔. مہاراشٹر کے وزیر اور نیشنلسٹ کانگریس پارٹی (این سی پی) کے رہنما دھننجے منڈے کے معاون والمک کراڈ کو پیسہ وصولی کے ایک مقدمہ میں گرفتار کیا گیا تھا۔قتل کیس میں اب تک سات افراد کو گرفتار کیا جا چکا ہے۔وزیر اعلیٰ نے کہا کہ حکومت اور پولیس بیڑکیس میں پوری طاقت اور عزم کے ساتھ کام کر رہے ہیں۔قصورواروں کو نہیں بخشا جائے گا۔انہوں نے کہا کہ دیشمکھ ایک مقبول سرپنچ تھے لیکن ان کی موت کے معاملے پر سیاست نہیں کی جانی چاہیے۔
