نئی دہلی: نائب صدر ایم ونکیا نائیڈو نے سابق وزیر اعظم لال بہادر شاستری کو خراج عقیدت پیش کرتے ہوئے کہا ہے کہ ‘جئے جوان جئے کسان’ کا نعرہ ملک کی سلامتی اور خوشحالی کا بنیادی منتر ہے ۔منگل کو لال بہادر شاستری کی 56ویں برسی پر یہاں جاری ایک پیغام میں مسٹر نائیڈو نے کہا کہ ان کے نظریات پر عمل کرنا ہی انہیں حقیقی خراج عقیدت ہوگا۔مسٹر نائیڈو نے کہا‘‘میں ملک کے سابق وزیر اعظم لال بہادر شاستری جی کی ان کی برسی پر ان کو خراج عقیدت پیش کرتا ہوں۔ ان کا ‘جئے جوان، جئے کسان’ کا نعرہ ملک کی سلامتی اور خوشحالی کا منتر ہے ۔ ان کے اسی طرز عمل کی پیروی ہی ان کے لیے حقیقی خراج عقیدت ہوگا۔
