نارائن پیٹ ۔ 14 ۔ ڈسمبر ( سیاست ڈسٹرکٹ نیوز ) ضلع ایس پی نارائن پیٹ ، مسٹر یوگیش گوتم ، آئی پی ایس نے اپنے ایک بیان میں کہا کہ ضلع میں مختلف قسم کے باہمی مفاہمت ، زیردوران معمولی معاملات میں فریقین سے اپیل کی گئی ہے کہ وہ تنازعات کو بڑھاوا دینے کے بجائے باہمی گفت و شنید و مفاہمت کے ذریعہ مسئلہ و مقدمات کو حل کرلیں اور پرسکون زندگی گزاریں ۔ انہوں نے اپنے بیان میں کہا کہ فری لیگل سروس اتھاریٹی کے زیراہتمام نارائن پیٹ ضلع میں مستقر نارائن پیٹ کے علاوہ کوسگی کی عدالتوں میں 30 ڈسمبر 2023 کو قومی لوک عدالت کا انعقاد عمل میں لایا جارہا ہے ۔ اس دوران فریقین موجود رہیں اور سمجھوتہ کے ذریعہ مقدمات کو مکمل طور پر بند کردیں ۔ انہوں نے کہا کہ قومی لوک عدالت میں حادثات ، مارپیٹ ، دھوکہ دہی ، شادی بیاہ ، چھوٹی چوری ، ڈرنک اینڈ ڈرائیو ، کورونا کے دوران ہونے والے مقدمات اس قومی لوک عدالت میں بات چیت کے ذریعہ حل کیا جاسکتا ہے ۔ اس سلسلے میں تمام شکایات کنندگان و ملزمین کو اپنے آدھار کارڈ ساتھ لانا ضروری ہے ۔ ضلع ایس پی نے کہا کہ متاثرین و زیردوران مقدمات کو فوری طور پر حل کرنے کا ایک بہترین موقع ہے ۔
