نارائن پیٹ۔ 27 فروری ( سیاست ڈسٹرکٹ نیوز) ضلع ایس پی ڈاکٹر ونیت نے آرمڈ ریزرو (اے آر) پولیس اہلکاروں اور ہوم گارڈز کے ساتھ نارائن پیٹ ڈسٹرکٹ پولیس ہیڈ کوارٹر کے کانفرنس ہال میں پولیس دربار کا اہتمام کیا۔ اس پروگرام میں ایس پی نے خطاب کرتے ہوئے ایس پی نے کہا کہ محکمہ پولیس میں مسلح ریزرو اہلکاروں اور ہوم گارڈز کا کردار بہت اہم ہے۔ انہوں نے کہا کہ امن و امان کی بحالی، بند وبست ڈیوٹی، اسپیشل آپریشنز، تہواروں اور انتخابات کے دوران ان کی خدمات انتہائی اہمیت کی حامل ہیں۔ انہوں نے ہر پولیس اہلکاروں کو نصیحت کی کہ وہ نظم و ضبط اور عزم کے ساتھ اپنے فرائض سرانجام دیں اور محکمہ پولیس کا وقار مزید بلند کریں۔ایس پی نے کہا کہ ضلعی پولیس کا محکمہ ہمیشہ اہلکاروں کی فلاح و بہبود کے لیے پرعزم ہے اور ڈیوٹی میں درپیش مشکلات، صحت کے مسائل، رہائش، ڈیوٹی اوقات وغیرہ جیسے مسائل کی براہ راست حکام کو اطلاع دی جائے۔ اس پولیس دربار پروگرام میں آرمڈ ریزرو کے ایڈیشنل ایس پی ایم ڈی ریاض الحق، آر آئی نرسمہا، وجے بھاسکر، آفس سپرنٹنڈنٹ شنکر لال، آر ایس آئیز شویتا، کرشنا چیتنیا، شیوانا، اے آر ایس آئی، آرمڈ ریزرو پولیس، اور ہوم گارڈ نے حصہ لیا۔
