نارائن کھیڑ۔/25 نومبر، ( سیاست ڈسٹرکٹ نیوز) ریاستی وزیر خزانہ و صحت ٹی ہریش راؤ نے آج نارائن کھیڑ میں انتخابی مہم میں حصہ لیا اور رحمن فنکشن ہال سے امبیڈکر چوک تک روڈ شو کرتے ہوئے انتخابی جلسہ سے مخاطب کرتے ہوئے کہا کہ حلقہ اسمبلی نارائن کھیڑ کے بی آر ایس امیدوار ایم بھوپال ریڈی 50 ہزار ووٹ سے کامیاب ہوں گے۔ تلنگانہ میں گنگا جمنی تہذیب کی حکومت چلائی گئی ہے اس ریاست میں ہندو مسلم بھائیوں کی طرح رہتے ہیں۔ 30 نومبر کو ہونے والے اسمبلی انتخابات میں کار کے نشان کو ووٹ دے کر بھاری اکثریت سے منتخب کریں۔ جلسہ سے بی آر ایس امیدوار ایم بھوپال ریڈی، سابق رکن اسمبلی ایم وجئے پال ریڈی ، رکن پارلیمنٹ بی بی پٹیل نے مخاطب کیا۔ اس موقع پر ان کے ہمراہ ریاستی بی آر ایس قائد ایم اے معید خاں وسابق سرپنچ ایم اے نجیب ، سابق مارکٹ کمیٹی کے نائب صدر ایم اے باسط ، سابق ایم پی ٹی سی سید مزمل ، اقلیتی قائد محمد غوث چشتی، کونسلر ایم اے مجید، سابق ایم پی ٹی سی رویندر نائیک ، بی آر ایس قائدین سید لطیف ، سید ہاشم علی، ومشی ریڈی، سرینواس گوڑ کے علاوہ دیگر قائدین و کارکن اور عوام کثیر تعداد میں شریک تھے۔
