حیدرآباد: پولیس عملہ شہریوں کی حفاظت کیلئے ہوتا ہے۔ پولیس کا مقام و مرتبہ عوام میں کافی معتبر سمجھا جاتا ہے لیکن شادنگر کے ایک پولیس افسر نے ایک ایسی حرکت کی پر ان کا تبادلہ کردیا گیا۔شادنگر پولیس اسٹیشن کے انسپکٹر اے سریدھر کمار ایک تقریب میں بالی ووڈ کی مشہور کی فلم ”ناگن“ کے میوزک پر ڈانس کرتے نظر آئے ہیں۔ وہ زمین پر لوٹ لوٹ ڈانس کرتے نظر آئے۔ یہ ویڈیو سوشل میڈیا پر گشت کررہی ہے۔
سائبرآباد پولیس کمشنر وی سی سجنار نے شادنگر پولیس اسٹیشن کے انسپکٹر اے سریدھر کی اس بدتمیزی و غیر ذمہ دارانہ رویہ اختیار کرنے پر ان کا تبادلہ کرتے ہوئے انہیں پولیس ہیڈکوارٹر منتقل کردیا۔ ایڈیشنل کمشنر پولیس وی سریندر کو اس معاملہ میں تحقیقات کرنے کی ہدایت دی گئی ہے۔