ممبئی : حکمران جماعت بی جے پی کے رہنماؤں کی جانب سے گستاخانہ ریمارکس پر مہاراشٹرا کے ہندو انتہا پسند وزیراعلیٰ ادے ٹھاکرے کا ردعمل بھی سامنے آ گیا ہے۔ میڈیا کے مطابق شیو سینا کے صدر ادے ٹھاکرے نے بی جے پی رہنماؤں کے توہین آمیز بیانات پر سخت برہمی کا اظہار کرتے ہوئے کہا کہ نوپور شرما کے غیر ضروری ریمارکس کی وجہ سے پوری قوم کو بین الاقوامی سطح پر شرمناک صورت حال کا سامنا کرنا پڑ رہا ہے۔ادے ٹھاکرے نے مزید کہا کہ بی جے پی رہنماؤں کے بیانات کی وجہ سے مشرق وسطیٰ اور خلیجی ممالک کی جانب سے ہندوستان کو گھٹنے ٹیک کر معافی مانگنے پر مجبور کیا جا رہا ہے، بی جے پی عہدیداروں نے جو کیا وہ ایک جرم ہے اور ہندوستان کو اس پر معافی مانگنی چاہیے۔
