میڈرڈ،24 ستمبر (ایجنسیز) اسپین کے سابق عالمی نمبر ایک ٹینس چمپئن رافیل نڈال کے نام پر دھوکہ ہونے لگا ہے جس کے بارے میں انہوں نے خود ہی عوام کو خبردارکردیا ہے۔ 39 سالہ رافیل نڈال نے کہا ہے کہ میرے نام پر اے آئی (آرٹیفشل انٹیلیجنس) ویڈیوزکے ذریعے سرمایہ کاری کی تجاویز دی جارہی ہیں، یہ دھوکا دہی کے لیے اشتہار ہیں جن سے محتاط رہا جائے۔ نڈال نے مزید کہا ہے کہ میں نے اس مواد کے لیے کسی معاہدہ نہیں کیا ہے۔ واضح رہے کہ دنیا بھر میں مشہور شخصیات کی ایسی جعلی ویڈیوز پہلے بھی کئی مرتبہ سامنے آچکی ہیں۔
