تروبا ۔ ایونٹ کے ابتدائی مرحلے کے خاتمے کی طرف دیکھتے ہوئے نیوزی لینڈ یہاں ٹی20 ورلڈ کپ میں ٹورنمنٹ کے شریک میزبان ویسٹ انڈیز کے خلاف کرو یا مرو کے مقابلے میں کافی بہتر کارکردگی دکھانے کا خواہاں ہوگا۔ نیوزی لینڈکو پراویڈنس اسٹیڈیم میں ٹورنمنٹ کے اپنے افتتاحی میچ میں افغانستان کے خلاف 84 رنز کی شکست میں 15.2 اوورز میں 75 رنز پر ڈھیر ہونا پڑا۔ اس نقصان سے ان کا رن ریٹ گر کر منفی4.2 ہوگیا، جو کہ گروپ ڈی میں چار ٹیموں میں سب سے کم ہے، جس سے وہ فہرست میں سب سے نیچے ہیں۔ اب وہ اپنے آپ کو ایک خطرناک گروپ مرحلے سے باہر نکلنے کے دہانے پر پاتے ہیں، ایک ایسی ٹیم کے لیے ایک غیر متوقع مصیبت جو ورلڈ کپ میں اپنی شاندار مستقل مزاجی کے لیے جانی جاتی ہے، جو تمام چھ حالیہ ایڈیشنز میں سیمی فائنل تک پہنچ چکی ہے: 2015 کے ونڈے ورلڈ کپ، 2019، 2023، 2016، 2021 اور 2022 کے ٹی 20 ورلڈ کپ میں وہ سیمی فائنل میں تھی۔ ان کے صرف دو بیٹرس دوہرے ہندسے میں اسکور کرنے میں کامیاب ہوئے اور کین ولیمسن کی قیادت والی ٹیم کو کسی بھی چیلنج کو پیش کرنے کے لیے بیٹنگ یونٹ کے طور پر آگے بڑھنا پڑے گا۔ یہ صرف بیٹنگ ہی نہیں، ان کی فیلڈنگ نے بھی انہیں مایوس کیا ہے کیونکہ انہوں نے کیچز کے آسان مواقع ضائع کیے، اسٹمپنگ اور رن آؤٹ کے مواقع ملنے کے بعد افغانستان کی اوپننگ جوڑی رحمن اللہ گرباز اور ابراہیم زدران نے 103 رنزکا ٹھوس آغاز فراہم کیا تھا۔ دوسری طرف ویسٹ انڈیز کو اس طرح کے مسائل کا سامنا نہیں کرنا پڑے گا اوراگر وہ مسلسل تیسری جیت حاصل کرنے میں کامیاب ہو جاتا ہے تو سپر ایٹ مقام حاصل کرلے گا اور اس کی نظریں اسی مقام پر مرکوز ہوگی۔ پاپوا نیو گنی کے خلاف شاندار جیت کے ساتھ ورلڈ کپ کا آغاز کرنے کے بعد ویسٹ انڈیز نے اپنے طور پر فام میں آنا شروع کردیا ہے اور اپنے پچھلے میچ میں یوگنڈا کو39 رنز پر آؤٹ کرنے کے بعد 134 رنز سے فتح حاصل کر لی ہے اوراپنے رن ریٹ کو کافی بہتر کرلیا ہے ۔ ٹیمیں: ویسٹ انڈیز : روومین پاول (کپتان)، برینڈن کنگ، جانسن چارلس، نکولس پوران (وکٹ کیپر)، شیرفین ردرفورڈ، آندرے رسل، روماریو شیفرڈ، روسٹن چیس، عقیل حیسن، الزاری جوزف، گڈاکیش موتی، اوبید میک کوئے، شمر جوزف، شمرون ہیٹمائر اور شائی ہوپ۔ نیوزی لینڈ: کین ولیمسن (کپتان)، فن ایلن، ڈیون کونوے (وکٹ کیپر)، ڈیرل مچل، گلین فلپس، مارک چیپ مین، مائیکل بریسویل، مچل سینٹنر، میٹ ہنری، لوکی فرگوسن، ٹرینٹ بولٹ، ٹم ساؤتھی، ایش سودھی، جیمز نیشم اور راچن رویندر۔ میچ صبح 6 بجے شروع ہوگا۔
