صدر کووند، نائب صدر، مرکزی وزراء سمیت کئی قائدین کی مبارکباد
نئی دہلی: صدر رام ناتھ کووند، نائب صدر ایم وینکیا نائیڈو، مرکزی وزیر داخلہ امیت شاہ، وزیر دفاع راجناتھ سنگھ اور دیگر وزراء نے جمعہ کو وزیراعظم نریندر مودی کی 71 ویں سالگرہ پر انھیں مبارکباد دی اور نیک خواہشات پیش کئے ۔ کووند نے کہاکہ ہندوستان کے وزیراعظم نریندر مودی کو سالگرہ کی دلی مبارکباداور نیک خواہشات۔ نائب صدرنائیڈو نے ٹوئٹ کیاکہ وزیر اعظم مودی کو آج ان کی سالگرہ کے موقع پر میری جانب سے دلی مبارکباد۔ امیت شاہ نے ٹوئٹ کیاکہ ملک کے ہر دلعزیز رہنما وزیراعظم مودی جی کو سالگرہ کی مبارکباد۔ راجناتھ نے اپنے پیام میں کہاکہ ہندوستان کے کامیاب وزیراعظم مودی کو سالگرہ کی دلی مبارکباد۔ مرکزی وزیر مختار عباس نقوی نے بھی ٹویٹ میں وزیراعظم کو سالگرہ پر مبارکباد دی اور کہاکہ آپ کی قیادت ملک کی سلامتی، خوشحالی اور ہمہ جہت ترقی کی ضمانت ہے ۔لیفٹننٹ گورنر جموں و کشمیر منوج سنہا،کئی گورنرس اور متعدد دیگر قائدین نے بھی مودی کو مبارکباد پیش کی۔
