مناما: وزیر خارجہ عبدالطیف الزیانی اسرائیل کا دورہ کرنے والے ہیں۔ حال ہی میں امریکہ کی ثالثی کے بعد دونوں ملکوں نے سفارتی تعلقات قائم کرنے کا فیصلہ کیا اور اس دورہ کا مقصد فریقین کے مابین رشتوں کو مضبوط کرنا ہے۔ الزیانی کے ساتھ ایک وفد بھی تل ابیب روانہ ہوگا۔ یہ دونوں ملکوں کے درمیان حکومتی سطح پر پہلا تاریخی دورہ ہوگا۔ وزیر خارجہ اپنے دورہ میں اسرائیلی وزیر اعظم بنجامن نتن یاہو سے ملاقات کے علاوہ اسرائیل کے دورہ پر موجود امریکی وزیر خارجہ مائیک پومپیو سے بھی بات چیت کریں گے۔
