نئی دہلی : کانگریس کے سابق صدر راہول گاندھی اور جنرل سکریٹری پرینکا گاندھی واڈرا نے گینگسٹروکاس دوبے کے انکاونٹرمیں مارے جانے پر سنگین سوال اٹھاتے ہوئے کہا ہے کہ معاملے کی عدالتی جانچ ہونی چاہئے تاکہ مجرمانہ،سیاسی اور انتظامی اتحاد کی اصلیت سامنے آئے ۔راہول گاندھی نے کہا کہ آج صبح ہوئے اس انکاونٹرکے ساتھ ہی کئی سوال بھی دفن ہوگئے ہیں۔انہوں نے ٹویٹ کیا’’کئی جوابوں سے اچھی ہے خاموشی اس کی،نہ جانے کتنے سوالوں کی آبرو رکھ لی‘‘۔ پرینکا گاندھی نے کہاکہ اتر پردیش کا لا اینڈ آرڈر بدتر ہوچکا ہے ۔سیاست داں۔مجرم اتحاد صوبہ میں حاوی ہے ۔کان پور معاملے میں یہ اتحاد کھل کر سامنے آیا۔کون کون لوگ اس طرح کے مجرم کی پرورش میں شامل ہیں یہ سچ سامنے آنا چاہئے ۔سپریم کورٹ کے موجودہ جج سے پورے معاملے کی عدالتی جانچ ہونی چاہئے ۔
