چیف منسٹر ٹاملناڈو پر کانگریس قائد راہول گاندھی کی تنقید
کنیاکماری: کانگریس لیڈرراہول گاندھی نے پیر کو وزیراعظم نریندرمودی اور راشٹریہ سویم سیوک سنگھ (آر ایس ایس) پر ٹامل زبان اور ثقافت کا احترام نہ کرنے کا الزام لگاتے ہوئے کہا کہ اس کی حفاظت کرنا ان کا فرض ہے ۔ راہول نے کہا کہ اپنے تین روزہ مہم کے آخری مرحلے میں وہ لوگوں سے کچھ باتیں شیئر کرنا چاہتے ہیں۔ انہوں نے کہا کہ وزیراعظم مودی کی قیادت والی حکومت ٹامل زبان وثقافت کااحترام نہیں کررہی ہے ۔انہوں نے کہا کہ یہ افسوسناک ہے کہ وزیراعلیٰ ای کے پلانی سوامی لوگوں کے امور پر توجہ دینے کے بجائے مودی کے حکم پر کارروائی کررہے ہیں۔ مودی اور آرایس ایس ٹامل زبان اور ثقافت کی توہین کرنے کی کوشش کررہے ہیں۔ وہ ایک قوم، ایک زبان اور ایک ثقافت لانے کی کوشش کرہے ہیں۔ انہوں نے کہا کہ کیاٹامل ہندوستانی نہیں ہیں۔ بنگلہ ہندوستانی نہیں ہیں، ٹامل ثقافت ہندوستانی ثقافت نہیں ہے۔ انہوں نے کہا کہ میں یہاں ہوں، ٹامل زبان اور ثقافت کی حفاظت کرنا میرافرض ہے ۔ انہوں نے کہا کہ تمام زبانوں، ثقافت اور مذاہب کی حفاظت کرنا میرافرض ہے ۔
